欧冠：萨尔斯堡斗西维尔求晋级做大事

欧联分组赛G组充满变数，排次席嘅萨尔斯堡今晚主场迎战第3位嘅西维尔。呢组出线形势相当微妙，4支球队都仲有出线机会，非胜不可嘅西维尔尽地一煲必定抢攻，主队虽然只需不败即可晋级，但呢支奥地利班霸向来系主攻型，生死战必以最拿手战术迎敌，2.5球入球大必捧。

萨尔斯堡目前以7分排第2位，虽然近两轮都输波，但今仗只要唔输就能够晋级。萨尔斯堡重返主场气势截然不同，球队喺以往艾宁夏兰特及达卡在阵时，已经大踢进攻足球，依家亦有德国天才射手艾迪耶美领军，绝对唔会龟缩求和。佢哋近7场欧联主场出击，有6场总入球达3球或以上，进攻意欲极强。

西维尔尽地一煲冇保留

西维尔原本被视为呢组出线大热，但5轮过後只赢过1场，陷入出局劣势，不过今场目标非常鲜明，只要作客赢波就可以出线，球员喺破釜沈舟决心下必会尽地一煲，前锋拉菲尔美亚近期脚风颇顺，上场联赛亦以1比0力挫维拉利尔，暂时喺西甲排名次席，士气相当唔错，有望同萨尔斯堡驳火。

郑重声明：<欧冠：萨尔斯堡斗西维尔求晋级做大事>转自网络如有侵权请第一时间联系我们修改或删除，多谢。