周六早上美洲盃季軍戰，秘魯火併哥倫比亞；雙方同樣在4強力戰僅敗，依家冇曬心理包袱，今場隨時斗攻，美洲盃季軍戰傳統上多波入，而且兩隊近年碰頭旺大手交易，中位數2.5球入球大有計。
秘魯今屆美洲盃表現唔錯，除咗分組賽同4強兩次對巴西都輸波之外，其馀4仗於法定時間取得2勝2和，其中3仗開總入球3球或以上，包括喺分組賽曾以2比1擊敗今仗對手哥倫比亞。秘魯前鋒安達卡里路今仗刑滿復出，佢同隊友拿柏度拿今屆各入兩球，落後射手榜榜首美斯兩粒，為爭金靴必定搏盡。
雙方對賽旺入波
哥倫比亞原本係主辦國之一，但喺開賽前放棄主辦權，最後由巴西接手，能夠打入4強已經有曬交代。哥倫比亞喺今屆賽事缺少王牌球星佔士洛迪古斯，雖然陣容冇咁完整，實力亦有所下降，不過佢哋喺今屆美洲盃，法定時間內錄得1勝3和2負，其中4強面對阿根廷，落後下力戰扳平1比1，最終互射12碼出局，雖敗不辱。曾於分組賽被逐路易斯迪亞斯停賽過後，近3仗美洲盃攻入兩球，不容小覷。
由於季軍戰勝負向來無關痛癢，球員都會放開懷抱進攻，近8屆美洲盃季軍戰，有6次於法定時間開3球或以上，而且秘魯與哥倫比亞近4次交手，亦有3次開總入球3球，捧入球大啱數。
本文来源：https://www.ttzb.cc/zuqiu/98256.html
郑重声明：<秘魯哥倫比亞玩大佢>转自网络如有侵权请第一时间联系我们修改或删除，多谢。