列斯聯上盤反轉西布朗

发布:直播网编辑部时间：2020年12月29日 00:00

足球

快車賽程兩支升班球隊大戰，上季英冠2哥西布朗主場迎戰冠軍列斯聯。兩軍「登超」後表現完全唔同，列斯聯打出風格，位處中游已經站穩陣腳，相反西布朗得分仲係個位數字排尾二，佢哋近4場聯賽主場更只有1勝3負，列斯聯有力反客為主，讓平半上盤可取。（Now 623周三凌晨2時直播）

列斯聯喺「瘋帥」比爾沙執教之下大踢進攻足球，季初更加有唔少佳作，包括同利物浦鬥攻，僅負3比4，其後打和曼城，早前作客更加擊敗前列球隊愛華頓。中前場球員班福特、希達哥斯達、洛迪高摩連奴、基列治都有出色表現，進攻路數夠晒多元化。

列斯聯打出風格之餘亦能夠站穩腳，當然，喺主攻同時防守亦比較弱，遇上反擊力強嘅球隊會比較輸蝕，例如早前大敗於曼聯腳下可見一斑。不過，今場對手西布朗實力差，尤其入球能力唔掂，喺列斯聯壓逼踢法之下，相信難以組織攻勢。

西布朗級數差一截
西布朗雖然上季以英冠亞軍身份取得直接升班資格，但其實比冠軍列斯聯少10分，已反映雙方實力有明顯距離。英超踢到聖誕，事實亦證明西布朗未夠班喺英超立足，曾於開季頭9場聯賽都不勝，直至第10場先靠擊敗包尾嘅錫菲聯打開勝利之門，加上疫情關係，主場人氣欠奉，西布朗主場成績都唔係好掂，列斯聯絕對唔會放生呢支老對手，今場作客讓波照捧上盤。

分享到：